Sudani Kusini yazamisha meli yake yenyewe

Wakuu wa Sudan Kusini wanachunguza sababu ya jeshi kushambulia na kuizamisha meli yao wenyewe kwenye Mto Nile.

Wanajeshi kumi walifariki na wengine hamsini wametoweka.

Msemaji wa jeshi la Sudan Kusini, Kanali Philip Aguer, amesema meli hiyo ilipita kituo cha ukaguzi usiku bila ya kusimama ingawa ilitakiwa kusimama.

Alisema meli hiyo ilikuwa imebeba wanajeshi kama 170.

http://www.bbc.co.uk/swahili

IDARA YA UHAMIAJI

Idara Ya Uhamiaji Yakutana Na Wahariri Wa Vyombo Mbalimbali Vya Habari,Mjini Morogoro

      

Baadhi ya Wahariri wa Vyombo mbalimbali vya habari wakisililiza hotuba ya ufunguzi wa semina ya siku mbili iliyoandaliwa na Idara ya Uhamiaji Makao makuu na kufanyika kwenye Ukumbi wa Hoteli ya Edema, mjini Morogoro

Baadhi ya Wahariri wa Vyombo vya habari akiwemo wa Gazeti la Habarileo, Joseph Kulangwa ( wapili kutoka kushoto) pamoja na Jesse Kwayu wa Gazeti la Nipashe , wakisoma moja ya habari iliyokuwemo kwenye mtandano wa Intaneti kupitia kompyuta ya mkononi, kutoka kwa mmoja wa wahariri wanaoshiriki semina hiyo , Septemba 15, mwaka huu.

Kwa mujibu wa Uongozi wa Idara hiyo ,katika semina hiyo, mada mbalimbali zilitolewa na Maofisa wa Idara ya Uhamiaji , ambazo ni pamoja na Sheria zinazosimamia shughuli za Uhamiaji Tanzania, Sheria ya Uraia wa Tanzania ya mwaka 1995, Huduma ya Vibali vya Ukaazi na Pasi kwa wageni sambamba na suala la udhibiti wa Wahamiaji haramu nchini.Wahariri wa Vyombo mbalimbali vya Habari, wakiwa katika picha ya pamoja na baadhi ya Maofisa wa Idara la Uhamiaji nchini , mara baada ya kufunguliwa kwa semina Septemba 15, mwaka huu, na Kamishina Mkuu wa Idara hiyo, Mwichumu Hassan Salim kutoka Zanzibar na kufanyika kwenye Ukumbi wa Hoteli ya Edema, mjini Morogoro

NYUMBU WARUDI NYUMBANI

Msafara Wa Nyumbu Serengeti

Na:  Pascal Shelutete,TANAPA
WATALII WAFURIKA SERENGETI KUSHUHUDIA MSAFARA WA NYUMBU UKIREJEA NYUMBANI HIFADHI YA TAIFA YA SERENGETI WAKITOKEA MAPUMZIKO
Msafara maarufu duniani unaohusisha wanyama aina ya Nyumbu umeanza kurejea katika makazi yao ya Hifadhi ya Taifa ya Serengeti wakitokea mapumziko katika nchi ya jirani.
Kila mwaka, nyumbu pamoja na wanyama wengine kama pundamilia na swala hufanya mzunguko maalum unaochukua miezi 12 ya mwaka ambapo miezi kumi kati ya hiyo huwepo nchini katika Hifadhi ya Taifa ya Serengeti na iliyobaki hutumiwa na wanyama hao katika eneo la Hifadhi ya Masai Mara nchini Kenya.
Mwaka huu msafara huu unaohusisha wanyama zaidi ya Milioni Moja na Nusu na ambao hutembea katika mzunguko wa takribani Kilometa 1,000 umewahi sana kurejea nchini ukitokea mapumziko nahii kwa mujibu wa taarifa za kitaalamu inatokana na kuwahi kunyesha kwa mvua katika eneo la Serengeti ambapo imesababisha kuwepo na nyasi nzuri ambazo ni chakula muhimu kwa wanayama hawa.
Changamoto kubwa wanayokutana nayo msafara huu mara unaporejea nyumbani ni tukio la kuvuka Mto Mara ambao umejaa wanyama wakali aina ya mamba na viboko ambao nao huwa ni msimu wao wa kujipatia chakula kwa kuvizia na hatimaye kuwakamata wanyama hawa mara wanapovuka mto.
Watalii kutoka maeneo mbalimbali duniani wamekuwa wakifurika katika Hifadhi ya Taifa ya Serengeti kushuhudia tukio hili adimu la kuvuka Mto Mara ambalo wengi wao wamekuwa wakiliona kupitia filamu mbalimbali zilizotengenezwa katika eneo hili.

Waliomuua BAlozi wa Marekani wakamatwa

Wauwaji Wa balozi Wakamatwa Libya

Mkuu wa bunge la Libya anasema kuwa watu kama 50 wamekamatwa kwa kuhusika na mauaji ya balozi wa Marekani mjini Benghazi juma lilopita.Mohammed Megaryef, kiongozi wa bunge, alisema hakuna shaka kuwa shambulio hilo lilikuwa limepangwa na siyo tu la kulipiza kisasi kwa filamu ya Marekani iliyokejeli Uislamu.

Akizungumza na shirika la habari la Canada, CBS, Bwana Megaryef alisema anaamini wageni wenye uhusiano na Al-Qaeda walihusika.
Balozi wa Marekani, Chris Stevens, na Wamarekani wengine watatu, waliuwawa wakati guruneti lilipopiga ubalozi mdogo wa Marekani mjini Benghazi na kuwaka moto.
 Chanzo:http://www.bbc.co.uk/swahili/habari

mwenge wa uhuru

Sep 16

MWENGE WA UHURU WAWASILI MKOANI RUKWA LEO NA KUANZA MBIO ZAKE ZA UHAMASISHAJI WA MAENDELEO

 Mkuu wa Mkoa wa Rukwa Injinia Stella Manyanya akipokea Mwenge wa Uhuru kutoka kwa Mkuu wa Mkoa wa Kigoma Kanali Mstaafu Issa Machibya mara baada ya kuwasili katika uwanja wa ndege wa mjini Sumbawanga leo.

 Mkuu wa Wilaya ya Sumbawanga Mathew Sedoyyeka akipokea Mwenge wa Uhuru kutoka kwa Mkuu wa Mkoa wa Rukwa Injinia Stella Manyanya tayari kwa kuanza mbio zake katika wilaya hiyo ambapo baadae utaenda Wilaya ya Kalambo na kumalizia katika Wilaya ya Nkasi.

 Viongozi wa Mbio za Mwenge kitaifa wakiwa na viongozi wa Wilaya ya Sumbawanga wakikimbiza mwenge katika moja ya barabara za Manispaa hiyo ikiwa ni kuunga Mkono na kukagua mradi wa Sumbawanga Ng'ara ambao lengo lake kuu ni kudumisha usafi katika Mji wa Sumbawanga. Mradi huo umeasisiwa na Mkuu wa Mkoa huo Injinia Stella Manyanya na kuzinduliwa rasmi na Mhe. Makamu wa Rais Mohammed Gharib Billal alipokuwa ziarani Mkoani Rukwa.

 Kiongozi wa mwenge kitaifa mwaka 2012 Kapteni Honest Ernest Mwanossa akiwa na wenzake pamoja na Mkuu wa Mkoa wa Kigoma wakifanya maandalizi ya kuukabidhi Mwenge wa Uhuru kwa uongozi wa Mkoa wa Rukwa.

 Kiongozi wa Mbio za mwenge kitaifa akiwa anazungumza na wananchi wa Mkoa wa Rukwa. Alisema kuwa Mwenge wa Uhuru lengo lake kubwa ni kuhamasisha miradi ya maendeleo pamoja na kuubiri amani na mshikamano ambao ndio nguzo kubwa ya mafanikio ya nchi ya Tanzania. Alisema wale wote wanaoipiga vita Serikali iliyopo madarakani hawaitendei haki kwani maendeleo yote yaliyoletwa nayo ikiwemo barabara na mashule wanazitumia wote bila kujali dini zao au vyma vyao.

 Mkuu wa Mkoa wa Rukwa Injinia Stella Manyanya akiwapa utaratibu wa waendesha Pikipiki (Bodaboda) namna ya kupokea Mwenge wa Uhuru. Jumla ya waendesha Pikipiki 100 walishirikishwa katika mapokezi ya Mwenge huo wa Uhuru.

 Baadhi ya viongozi wa Mkoa wa Rukwa kutoka kushoto ni Mkuu wa Wilaya ya Sumbawanga Methew Sedoyyeka, Kaimu Katibu Tawala Mkoa wa Rukwa Samson Mashalla, Mkuu wa Wilaya ya Nkasi na RPC wakishuhudia mapokezi hayo.

 Kiongozi wa mwenge kitaifa mwaka 2012 Kapteni Honest Ernest Mwanossa akipandikiza Samaki katika bwawa la kufugia Samaki lililopo Mishamo katika Manispaa ya Sumbawanga alipofika kukagua ufugaji wa samaki. Nyuma yake ni waandishi wa habari wakiwa katika harakati za kutafuta taswira mwanana kwa ajili ya kufikisha ujumbe kwa wananchi.

 Mkuu wa Mkoa wa Kigoma Kanali Mstaafu Issa Machibya akiwasalimu wananchi wa Mkoa wa Rukwa waliojitokeza katika uwanja wa ndege wa Sumbawanga kwa ajili ya kuupokea mwenge wa uhuru ambao umemaliza mbio zake Mkoani Kigoma na kuwasili Mkoani Rukwa kwa ajili ya kufanya mbio zake katika Wilaya tatu za Sumbawanga, Kalambo na Nkasi kwa muda wa siku nne.

 Kwenye baadhi ya uzinduzi wa miradi baadhi ya wananchi walilazimika kupanda juu ya miti ili kuona matukio yote bila chenga.

Vikundi vya ngoma vilikuwepo kutoa burudani.Picha na Habari na Hamza Temba-Afisa Habari Ofisi ya Mkuu wa Mkoa wa Rukwa

Subscribe to: Posts (Atom)

UWT wampongeza Dk Asha Rose Migiro

Umoja wa Wanawake(UWT)Wampogeza Aliyekua Naibu Katibu Mkuu wa Umoja wa Mataifa(UN)Dk Asha-Rose Migiro

 Sehemu ya maaandamano yakiwa na mabango mbalimbali kwenye sherehe  ya kumpongeza Aliyekua Naibu Katibu Mkuu huyo wa Umoja wa Mataifa Dk  Asha rose migiro, katika hafla iliyoandaliwa na Umoja wa Wanawake Tanzanaia (UWT), kwenye Viwanja vya Mnazi Mmoja, Dar es Salaam jana

 Aliyekua Naibu Katibu Mkuu wa Umoja wa mataifa Dk Asha Rose Migiro akisalimiana na baadhi ya wanachama wa UWT waliojitokeza kwa wingi kwenye sherehe ya kumpongeza Dk Migiro kwa kumaliza muda wake wa utumishi salama umoja wa mataifa jana

 baadhi ya kinamama na wanachama wa UWT wakipita wakiwa na zawadi mbalimbali za Aliyekua Naibu Katibu Mkuu wa Umoja wa mataifa Dk Asha Rose Migiro kwenye sherehe ya kumpongeza Dk Migiro kwa kumaliza muda wake wa utumishi salama umoja wa mataifa jana

Mke wa Rais, Mama Salma Kikwete akimpongeza Dk. Asha Rose Migiro, wakati wa sherehe ya kumpongeza Naibu Katibu Mkuu huyo wa Umoja wa Mataifa aliyemaliza muda wake, katika hafla iliyoandaliwa na Umoja wa Wanawake Tanzanaia (UWT), kwenye Viwanja vya Mnazi Mmoja, Dar es Salaam.jana

CUF

Mwenyekiti wa CUF Profesa Ibarahim Lipumba,Naibu Katibu Mkuu wa CUF Ismail Jussa na Makamu Mwenyekiti wa CUF Machano Khamis Wafunga Rasmi Kampeni za CUF Bububu.

 Mwenyekiti wa CUF Profesa Ibarahim Lipumba akiwahutubia wafuasi wa Chama cha CUF katika mkutano wa kampeni uliofanyika katika viwanja vya kwa geji na kufunga kampeni hizo kwa kujiandaa na uchaguzi kesho 16-9-2012.

 Naibu Katibu Mkuu wa CUF Ismail Jussa, akiwahutubia wanachama wa CUF katika mkutano wa kampeni viwanja vya kwa geji bububu.

 Makamu Mwenyekiti wa CUF Machano Khamis akisisitiza jambo katika mkutano wa ufungaji wa kampeni za uchaguzi mdogo wa jimbo la Bububu zilizofanyika katika kiwanja cha Kwa Geji Bububu,

 Wanachama wa CUF wakishangilia katika mkutano wa kampeni katika viwanja vya Kwa Geji Bububu, zilizofungwa na Mwenyekiti wa CUF Taifa Ibrahim Lipumba.

Mwanachama wa CUF akiwa na punda wake wakati wa mkutano wa ufungaji wa Kampeni ya jimbo la Bububu uliofanyika katika kiwanja cha Kwa Geji Bububu.

CCM ZANZIBAR

Mjumbe wa Kamatu Kuu ya CCM na Makamu wa Pili wa Rais wa Zanzibar Balozi Seif Ali Iddi Afunga Rasmi Kampeni za CCM Viwanja vya White Star Jazira Bububu.

Written by haki | // 0 comments

 Mgombea wa Chama cha Mapinduzi katika Jimbo la Bububu Hussein Ibrahim Makungu (BHAA)  akiwahutubia wananchi wa jimbo la Bububu kuomba kura kwao katika mkutano wake wa ufungaji wa kampeni uliofanyika katika viwanja vya white star jazira.

 Mjumbe wa Kamatu Kuu ya CCM na Makamu wa Pili wa Rais wa Zanzibar Balozi Seif Ali Iddi akimtambulisha Mgombea wa CCM wa wananchi wa jimbo la bububu wakati wa kunga kampeni za CCM katika viwanja vya white star jazira kwa kujiandaa na uchaguzi mdoge kesho 16-9-2012.

 Mjumbe wa Kamati Kuu ya CCM na Makamu wa Pili wa Rais wa Zanzibar Balozi Seif Ali Iddi, akiwahutubia Wana CCM katika mkutano wa kampeni ya Jimbo la Bububu kumnadi mgombea wa CCM, katika mkutano wa ufungaji wa kampeni hizo uliofanyika katika kiwanja cha White Star Jazira. 

 Wanachama wa Chama cha Mapinduzi wakishangilia katika mkutano wa kufunga Kampeni za Uchaguzi Mdogo wa jimbo la Bububu.

CHADEMA UGHAIBUNI

 Mzee Makelele akimkabidhi kadi mwanachama mpya dada AZIZA.

 Brother Cobby akijiunga rasmi na Chadema.

 Dr John Lusingu akitoa mifano hai.

 Engineer Prudence akishusha madongo mazito.

 Mchungaji Mathew akimwaga sera.

 Mwenyekiti wa wanawake akiwahimiza akina mama kujiunga na M4C.

 Mwenyekiti wa Chadema-UK  Chris Lukosi akihutubia.

 Kamanda Makelele, Katibu mwenezi wa moshi mjini aki wapa nasaha viongozi wa Chadema UK.

wanachama wapya wakiwa na Makelele.Picha Zote na Chadema-Uingereza

Mheshimiwa Rais

 Herny Kilewo

---

Mh. Rais nitumie njia hii ya maandishi baada ya kutumia njia ya majukwaa na matamko mbalimbali kuikosoa serikali yako na chama chako cha ccm..

Mh. Rais nimeamua kuandika baada ya leo kusikiliza mjadala mkali sana wa Amani ya nchi yetu ambao ulikuwa unaendeshwa na kituo cha STAR TV leo 16/10/2010 Wazungumzaji wa mjadala huu walikuwa ni Mh. Tundu Lissu Mkurugenzi wa chama changu wa sheria na haki za binadamu na Mbunge wa Singida, Nape nauye katibu wako wa uenezi wa chama chako,pamoja na muwakilishi kutoka chama kingine cha siasa.

Mh.Rais. baada ya mjadala huwo mkali ambao kama kawaida wa viongozi wa chama Tawala kutumia fursa kama hizo kuhadaa umma, ukanipekea kukumbuka utawala wa awamu ya tatu na awamu hii ya nne.

Mh.Rais. Kabla ya ujio wa Awamu ya Tatu ya uongozi wa serikali,watu waliaminishwa kupitia ahadi za TANU (1962) haswa ahadi ile ya Tano(UTUMISHI KWA UMMA NA UWAJIBIKAJI) wengi hatukuweza kujua madhara yanayoweza kulikumba taifa kama ahadi(utumishi kwa umma NA HAKI YA MWANANCHI) hii inakiukwa.

Mh.Rais. Katika awamu ya tatu,madhara yalijithihirisha wazi wazi kwa uamuzi wa viongozi wa serikali ya chama cha mapinduzi(ccm) kuuziana nyumba kwa bei ya kutupa na kukiuka sheria ambazo zilitungwa na serikali hiyo hiyo kuhusu kanuni za uuzaji au ubinafisishaji wa mali na huduma za serikali.Mh. Rais Hatua hiyo sikwamba ilikuwa inakiuka maadili ya chama Tawala chenyewe yaliyomo katika ahadi hiyo ya Tano-chama amabacho ndicho kinachozihodhi Ahadi hizo za Uraia Mwema, lakini Mh Rais. ni uamuzi ambao umekiuka misingi ya utawala bora.

Mh Rais. kwa kuamua kuuziana mali za serikali bila kuzitangaza kufuatana na kanuni za Zabuni ili kutoa nafasi kwa kila mwananchi kuo nyesha nia yake ya kutaka kuzinunua mali hizo kwa bei anayoimudu, Mh Rais. Serikali ilidhalilisha taifa letu kwa njia zifuatazo>
(a)Taifa lilinyimwa haki ya kupata mapato makubwa zaidi ambayo yangeliwezesha Taifa kuwasaidia wananchi wengi zaidi kupata nyumba nzuri za kisasa-jambo ambalo tunaelezwa kwamba ndilo hasa lilikuwa lengo la zoezi hili. Mh Rais Tutalifikiaje lengo kwa kuliingizia taifa mapato kidogo tu wakati amabapo tungeliweza kupata zaidi? Wahusika hao mpaka sasa wamechukuliwa hatua gani juu ya kuliingizia taifa hasara?

(b)kwa kukiuka sheria zetu wenyewe za utangazaji wa zabuni tunapotaka kuuza ama kubinafsisha mali za umma au kununua mali (RADA) Au huduma ilikupata bei nzuri zaidi kwa kuchagua mzabuni amabaye angelinunua mali zetu(NBC) kwa bei ya juu zaidi au anauza mali au huduma zake kwa bei ya chini zaidi, Mh Rais. sielewi Amani ipi tunayoizungumzia ya Mtanzania kuendelea kukaa kimya huku taifa likitafunwa,Amani hiyo ipo kwa viongozi wa chache wanaoneemeka na mali za umma huku Mwananchi wa kawaida akiishi kwa maisha ya Hofu kwakutokujua kesho yake, Mnatoa polisi barabarani kwa wingi kuzuia maandamano ya amani ya CHADEMA na mikutano ya hadhara huku mkishindwa kuweka vizuizi vya kutumia askari kuweka mitengo kwa wala rushwa na kuwakamata,Mh.Rais.vibaka wanachomwa kwa moto ama kupigwa na kuuwawa na wananchi wenye hasira kali kwa ugumu wa maisha, huku viongozi wanaoliibia taifa hili kwa kalamu wakiendelea kuitwa mafisadi na kuendelea kuishi bila wasi wasi kana kwamba hamna wa kuwawajibisha.mtawala mzuri anaheshimu sheria zake na kujali misingi sahihi ya uendeshaji wa mambo ya taifa kama walivyokuwa Hayati mwalimu Julius Nyerere,Hayati Abeid Amani Karume na Hayati Sokoine. 

Tuige Mifano yao ambayo ililijengea Taifa hili heshima kubwa sana ndani na nje ya nchi kwa mfano

(i)1978 kulitokea vifo katika Gereza la shinyanga katika hali ya kutatanisha,Hivyo serikali ilibidi iwajibike kwa tukio hilo maana lilitokea mikononi Mwake na mahabusu wale walikuwa wamewekwa humo ndani na serikali. Mh Rais. swali lilikuwa nani awajibike? Rais? Makamu wa Kwanza wa Rais? Makamu wa pili wa Rais na Waziri mkuu au nani?

Mh Rais Kwa utaratibu mzuri anayewajibika ni yule kiongozi Mwenye Dhamana inayohusiana na tukio hilo maana yeye ndiye aliyekabidhiwa ya siku hadi siku ya kusimamia kazi za wizara au Idara yake kwa niaba ya serikali.

Mh Rais.katika tukio hilo ilionekanika kwamba Wiazara Tatu ndizo zilihusika, ya kwanza ilikuwa ni wizara ya mambo ya ndani ambayo kiongozi wake alikuwa ni Mzee Alli Hassani Mwinyi. Lakini mshauri mkuu mwingine wa Urais alikuwa ni Waziri aliyekuwa na Dhamana ya kusimamia Usalama wa Taifa;ambaye kwa wakati huwo alikuwa ni Peter Siyovelwa. Wizara ya Tatu ilikuwa ni wizara ya Tawala za Mikoa ambayo iliongozwa na Peter Kisumo. Lakini Tukio lilitokea mkoa wa shinyanga ambako Mkuu wa Mkoa alikuwa ni Marco Mabawa.

Mh Rais. kwa hiyo kwa heshima ya uongozi wa wakati ule, Rais aliona ni haki kuwawajibisha mawaziri hawo watatu pamoja na mkuu wa Mkoa wa Shinyanga, hivyo wote walilazimika kujiuzulu,na nchi ikawa na amani, Hivyo ndivyo waungwana wote duniani wanavyofanya.

Mh.Rais katika awamu yako hii kumetokea mauaji mara kadha wa kadha badala ya viongozi husika kuwajibika serikali imekuwa ikikimbilia mahakamani huku waliyohusika na makosa hayo kuendelea kuwa madarakani wakati vyombo husika vikifanya kazi yake, ni hivi majuzi tu tukio la Mwandishi aliyekuwa mikononi mwa polisi na kufia mikononi mwa polisi mpaka sasa hakuna mkuu yeyote wa polisi ama waziri ama mkuu wa moa aliyewajibika katika sakata hilo, Utawala bora tunaowaimbia Watanzania ni upi? sijaona kiongozi akiwajibika kwenye maisha ama kwenye haki ya mtanzania kuishi bali nimesikia Mawaziri wakiwajibika kisiasa kupisha upepo upite huku wakilitia taifa hasara. Umma wawatanzania tungependa kujua amani hii ni ipi?

(c)Kwa Halmashauri kuu ya CCM Kuruhusu uamuzi huu unaokiuka ''AHADI YAKE MUHIMU YA UADILIFU INAYOWAKATAZA VIONGOZI KUTUMIA VYEO VYAO KWA FAIDA ZAO"kutekelezwa bila halimashauri kuu hiyo kuikemea serikali yake, kunakiweka chama hicho katika MTIHANI MKUBWA WA IMANI,KAMA ILIVYOSASA WANANCHI HAWANA IMANI NA CCM. Mh Rais uamuzi huu unawafanya watu waaminifu,waadilifu,wasio na ubinafsi na wanaolitakia taifa lao mema kwanini wakiamini chama hiki kuwaletea utawala bora? Ni dhahiri ya kweli sasa yakuwa CCM ya kweli ilikuwepo kipindi cha Mwalimu nyerere.

Nahitimisha.
Mh Rais.jambo la kujiuliza ni kwanini tabia hii ya Rushwa imekithiri? jibu la haraka haraka ni kwamba hii imetokana na uamuzi wa Halimashauri kuu ya CCM mwaka 1991. ambao uliondoa miiko ya uongozi na kuwaruhusu Viongozi wa kujilimbikizia mali kwa kupokea mishahara zaidi ya mmoja,kufanya biashara wazi wazi bila miiko yeyote ile. Kiongozi asipotosheka na anayeweka tamaa za binafsi mbele badala ya utumishi kwa umma, anayo nafasi kubwa ya kuuza haki za wananchi na hata nchi yenyewe kwa faida zake binafsi. Hivyo ndivyo inavyotokea leo, na ndiyo maana watu wananunua uongozi.

Mh. Rais HAtutasita kuusema ukweli kwa hofu eti ya kuwakosoa watawala na kuogopeswa kwa kifungo ama jambo lolote lile, Tutaendelea kuusema ukweli kwa usiku na mchana mpaka siku ya mwisho ya maisha yetu kwakuwa tunaamini mwenye kutenda haki ni mungu peke yake hapa duniani ni kanuni tu za kuishi....

HAKI ITENDEKE KWA WOTE WANAOHUSIKA NA KASHIFA MBALIMBALI WATOKE KWENYE MADARAKA KUPISHA SHERIA KUCHUKUA MKONDO WAKE, NENO AMANI LIWE AMANI KWELI KWA WATANZANIA WOTE KUTOKUWA NA HOFU NA KESHO YAO.

Ahsante sana

 
HENRY KILEWO
KATIBU MKOA WA KINONDONI NA KANDA YA DSM
MJUMBE MKUTANO MKUU TAIFA(CHADEMA)
NEVER SAY NEVER M4C WE HAVE THE POWER,
16/10/2012.